Nú How I Met Your Mother koyrir á síðstu sesong, eru ætlanir at gera eitt spinoff. Tað eru skapararnir handan upprunaligu seriuna, Carter Bays og Craig Thomas, ið gera komandi seriuna.
Søgan skal fyriganga frá kvinnuliga sjónarhorninum og kallast How I Met Your Dad. Tað verður ein heilt nýggj seria við einum heilt nýggjum høvuðspersóni.
Hesi tíðindini hava fingið blandaða móttøku, har tey flestu halda, tað vera eitt keðiligt hugskot, meðan fjepparar eru spentir.
How I Met Your Mother hevur havt stóran týdning hjá CBS, tí tað hevur verið tann best dámda serian hjá teimum. Tað er tí týdningarmikið hjá teimum at gera eina nýggja seriu, ið kann undirhalda hyggjarafjøldini líka væl.
Er svarið so How I Met Your Dad? Ella er tað klókari at satsa uppá okkurt heilt nýtt?
How I Met Your Dad?
Posted in Nýggjheitir
Seriøst? Men annars hava spin offs tann vana at ganga av H til.
Sannheit! Hendan serian er eisini bara lækkað í støði gjøgnum ár og dag. Eri sjálvur simpulthen so troyttur av at hoyra laugh tracks í bakgrundini.
Tað virkar tó sum spinoff áhugin bara veksur, tí Breaking Bad fær eitt spinoff sum eitur Better Call Saul. The Walking Dead skal eisini hava eitt spinoff. Tá so nógv spinnoff koma, er vónandi okkurt sum er gott. Problemið er jú sum oftast at andin er tann sami sum hin serian, men tað manglar okkurt, tá tey somu fólkini ikki eru við. Tað er bara ein seria ið klárar at skifta høvuðspersónin út allatíð og tað er Doctor Who 🙂
Kristið navn! Breaking bad eisini? Noy, best er at sleppa sær til Mars at búgva.
Tað ber ikki eingang til at fara til Mars, tí tann ferðin er ætlað at gera til reality sending! Tað er tó altíð ein mæguleiki at flyta til Víkaberg 🙂
Antarktis hevði verið eitt betri boð.
Ger kaffi klárt, eg taki bolar við 😉
Puha 😛 Tað verður ringt um okur skulu sita á heimsins enda og hyggja at reruns av Breaking Bad 😉
Vit taka Star Trek og Star Wars við, so er nokk av tilfari. Um vit verða troyttir av tí, so verður tað onkur soap opera. Dollars ella okkurt. Har er nokk av tilfari til eitt mannaminni 😛