Eg hugdi eftir Chris Stuckmann, ið er film ummælari á youtube, hendan dagin. Hann tosaði um ein film hann helt vera gloymdan burtur. Nevniliga avstralski horror/mystery fimurin, Lake Mungo frá 2008. Ì mínum føri hevði hann í hvørtfall rætt. Eg havi aldrin hoyrt um hendan filmin. Men eg bleiv forvitin tá hann tosaði um hann.
Lake Mungo er ein sokallað mockumentar. Tað er ein fiktiónssøga, ið er upptikin í dokumentarstíli.
Ummæli
Vit fylgja familjuni Palmer eftir at dóttir teirra, Alice, verður funnin druknað í Lake Mungo. Beiggi Alice, Matthew, byrjar at uppliva óvanligar hendingar í heimi teirra og setir kameraðir upp fyri at vita um hann fangar nakað á video.
Hetta ljóðar kanska alt eitt sindur ov nógv sum Paranormal Activity ella aðrir found footage filmar. Men dokumentarstílurin gevur Lake Mungo ein eyka substans, sum found footage filmar ikki kunnu. Vit síggja beinleiðis samrøður við tey avvarandi. Hetta ger at søgan er líka nógv ein lýsing av einari familju í sorg, sum tað eisini er ein gysari.
Øll fólkini ið spæla við í filminum eru so sannførandi, at tað er ringt at trúgva at hetta ikki er ein vanligur dokumentarfilmur.
Nú vikuskifti er í hondum og tað byrjar at skýma vil eg viðmæla tær at hyggja eftir hesum filminum.
Eg gevi Lake Mungo 4/6 sofum:
Nú var eg eisni so heppin finna at eina beinleiðis leinkju til filmin á Youtube:
Eg tosi um alt ein kann gera sitandi á sofuni. Mest um filmar, men kanska okkurt annað eisini.
Sofasurfarin 
Svara