Dave Grohl roynir seg sum leikstjóri!

Dave Grohl kemur um stutta tíð við filminum um Sound City Studios.
Ì 1970, tá Sound City lat dyrnar upp, var Neil Young fyrstur at upptaka fløgu sína “After The Gold Rush”.
Sìðan hava bólkar sum Fleetwood Mac, Johnny Cash, Tom Petty, Rage Against the Machine og Nirvana upptikið sínar fløgur í somu hølum.
Tó er tað soleiðis, at alt hevur ein enda. Ì tíðum sum okkara, har tað er so lætt sum at sita heima við einum upptøkustudio, er tað ikki altíð líka lætt at hava eitt studio, sjálvt um hvussu sterk søgan handan tað er. Hetta mátti Sound City Studios ásanna, tá lykilin bleiv snaraður í 2011. Tá hetta hendi, var Dave Grohl skjótur at keypa miksara pultin, ið varð brúktur at innspæla fløguna Nevfermind, ið setti gongd í karrieru hansara, tá hann sat handan trummurnar í bólkinum Nirvana.
Nú hevur hann eisini gjørt ein film, ið fortelur søguna um Sound City frá perspektivinum hjá teimum mongu tónleikarunum, ið hava upptikið fløgur sínar har.

Um okkum Sofasurfarin

Eg tosi um alt ein kann gera sitandi á sofuni. Mest um filmar, men kanska okkurt annað eisini.