So er tað stóra kvøldið komið. Bestu filmarnar gjøgnum seinasta árið skulu veljast. Verturin til ársins sending verður Neil Patrick Harris, ið er væl kendur úr seriuni How I Met Your Mother. Hann er væl dámdur sum vertur í virðisløna handan.
Mest nomineraðu filmarnar hetta árið eru Birdman og Grand Budapest Hotel. Báðir filmarnar eru nomineraðir til ársins besta film. Tò liggur tann stóri kampurin í ár millum Birdman og Boyhood. Mítt besta skot er at Boyhood fer at vinna besta film í ár.
Tað var eitt stórt skuffilsi at hvørki Interstellar ella Gone Girl eru nomineraðir.
Gone Girl kann tó fáa ein Oscar fyri bestu sjónleikarindu í høvuðsleikluti, ið er spældur av Rosamund Pike. Hon verður í harðari kapping móti Julianne Moore, ið hevur fingið stórt rós fyri sín leiklut í Still Alice.
Fyri besta sjónleikara í einum høvuðsleikluti liggur kappingin millum Michael Keaton í Birdman og Eddie Redmayne í the Theory of Everything. Jake Gyllenhaal skuldi eisini verið nomineraður fyri sín leiklut í Nightcrawler.
Nógvar aðrar spennandi nomineringar eru, og tær kunnu síggjast her.
The Oscars 2015 verður sýnt á Tv2 frá kl. 22:55(21:55 føroyska tíð).
Hav eitt gott Oscar kvøld!
Eg tosi um alt ein kann gera sitandi á sofuni. Mest um filmar, men kanska okkurt annað eisini.
Sofasurfarin 
Svara