Leikstjórarnir handan filmin, Wachowski systkini (Tha Matrix og Speed Racer) og Tom Tykwer (Perfume: The Story of a Murderer og The International), hava sligið seg saman, at gera ein film, ið sigur søguna um nøkur lív bundin at hvør øðrum.
Forfilmurin er ein av teimum heilt longu, um hetta søgdu leikstjórarnir, at søgan sigur so nógv. Fyri at vit skulu fáa eina nøkurlunda mynd av, hvat filmurin er um, mátti forfilmurin gerast langur. Tó er hann ikki drúgvur, men gevur okkum heldur hug at síggja meir av hesi sera stóru og áhugaverdu søguni.
Cloud Atlas er gjørdur eftir bókini við sama navni, skrivað av David Mitchell. Hon fevnir um seks søgur, sum allar hava við hvørja aðra at gera. Byrjað verður á havinum í 1900 talinum, har bókin tekur okkum heilt til eina post apocalyptiska framtíð.
Filmurin hevur nakrar av teimum heilt stóru leikarunum við, millum hesar eru Tom Hanks, Hugo Weaving, Halle Berry, Hugh Grant, Susan Sarandon og Jim Sturgess.
Cloud Atlas er settur at hava heimsfrumsýning 26. Oktobur 2012
Eg tosi um alt ein kann gera sitandi á sofuni. Mest um filmar, men kanska okkurt annað eisini.
Sofasurfarin 
Svara