Fyrstu myndirnar av Django Unchained

“Fyrsta Plakatin”

Ì árinum 1992 kom filmurin Resevoir Dogs út. Filmurin gongur, fyri tað mesta, fyri seg í einum vøruhúsi, har nakrir menn, eftir at hava rænt gymsteinar, ikki tora at hava álit á hvør øðrum, tí annar teirra er ein svíkjari. Hesin filmur var nakað heilt fyri seg við einum framúr góðum dialogi, nógvum harðskapi og spenningi úr einum enda í annan.

Maðurin handan myndatólið var sjálvur Quentin Tarantino, ið umframt at leikstjórnað, eisini hevði skrivað søguna og hevði ein lítlan leiklut í filminum. Tað vísti seg, at hesin maðurin hevði eitt heilt serligt evni handan mydatólið, og hann hevur í dag latið heili seks filmar úr hondum, ið hann sjálvur hevur leikstjórnað, skrivað søgu til og til tíðir eisini havt ein lítlan leiklut í.

“Dr. King Schultz og Django. Leiktir av Christopher Waltz og Jamie Foxx”

Ì 2012 er Tarantino so aftur uppá spæl. Eftir at hava roynt seg í kríggi við filminum Inglorious Basterds, ið fyrigongur undir øðrum veraldarbardaga, fer Tarantino longur aftur í tíðina. Hann fer nevniliga aftur til tíðina, tá lógleysi maðurin reið á hestabaki, og tá tosa vit sjálvandi um ein ordiligan western film við spennandi søgu um trælalevnaðin í U.S.A.

“Calvin Candie. Leiktur av Leonardo DiCaprio”

Ì 1850unum keypir fyrrverandi týski læknin, sum er blivin skattaveiðumaður, Dr. King Schultz (Christopher Waltz) trælin Django (Jamie Foxx) leysan og tekur hann í læru. Django vil fáa konu sína Broomhilda (Kerry Washingon) leysa úr trælabondum hjá Calvin Candie (Leonardo DiCaprio), men hetta hendur tó ikki uttan trupulleikar í einum fyltum western pakka til okkum frá Quentin Tarantino.

Filmurin er settur til at koma út 25. Desembur 2012

Myndirnar eru tær fyrstu úr filminum.



Hetta er nýggja heimasíðan, íð fer at innihalda alt ein kann gera sitandi á sofuni. Eg fari at ummæla filmar og tónleik, leggja út nýggjastu forfilmar og nýggjheitir innan films- og tónleikaheimin.

Tagged with: , ,
Posted in Nýggjheitir

Svara

Fill in your details below or click an icon to log in:

WordPress.com Logo

You are commenting using your WordPress.com account. Log Out / Broyt )

Twitter picture

You are commenting using your Twitter account. Log Out / Broyt )

Facebook photo

You are commenting using your Facebook account. Log Out / Broyt )

Google+ photo

You are commenting using your Google+ account. Log Out / Broyt )

Connecting to %s

%d bloggers like this: